NADALE

Gesù Bambin, te si paron del sole,
xè tue le stele, el fogo e tuto el resto.
Ma, dime un fià, parchè te ghe volesto
nasser onco, che non ghè rose e viole?

Voria donarte fiuri e non se pole;
ma scominsio a capir che xe par questo
ca te sì qua: te vo' insegnarme presto
che l' omo no pol fare quel ch' el vole.

Pecà, parchè, se te nasevi in majo,
fiuri t' in gavaria portà on careto.
He si, come omo- scusa el me corajo-

te si sta sfortunà fin da toseto.

Ma insieme con la paja e col forajo
to' valà, ciapa almanco sto sonetto.